مساء الورد
اشتقت لكم يالغاليين
جبتلكم طريقه خطيييره وحلوه في يوم واحد بس راح تلاحظو انه جسمكم فتح بطريقه معقوله طبعا بدون مبالغهأجل كيف لو استمريتو
الزبده انه خالتي أتزوجت قبل 4 أيام وكانت تسوي جلسات مع مدلكه سودانيه تجيها لين البيت وتسويلها حمام سونا ودلكه وحمام مغربي كلو ب 150 ريال بصراحه سعرها مرره حلو مو زي باقي المدلكات تقولك الدلكه بس ب 100 ريال
طبعا صحبتكم مايفوتها شي قلت خليني أجلس معاهم وأشوفها اش تسويلها خطوه خطوه لأني دايما أسوي الدلكه السودانيه بنفسي بس ابغى أعرف خطوات السونا و المغربي حقها كيف تسويها
المهم شفتها
1) جهزت السونا ودهنت جسم خالتي بزيت مررره خفيف وماله ريحه << أموت و أعرف اش هو
2) دخلتها في السونا لين عرقت مزبووووط
3) طلعاتها وحطت ع كتفها منشفه وجابت الدلكه وحطتها بجسمها كله وجلست تدعك وتحط بيدها الإثنين نقط زيت عارفين ليه بس عشان ترطب وتنزل الدلكه من الجسم زي القشور بعدين خلت خالتي تدلك المنطقه الحساسه و المؤخره بنفسها
4) دخلتها الحمام الله يكرمكم وهيا راحت تجهز الصابون المغربي أنا كفشتها اش تسوي و حفظته عشان أقولكم لأنها صرفتني قالتلي روحي جيبي مويا حاره عشان تبغى تجهز وعلى جيتي شفتها تحطه بسرعه تعرفون جابت زبديه وحطت أعشاب مغربيه بعدين الصابون ومويا حاره خلظتهم مع بعض سار مره خفيف
5) دخلت عند خالتي وفركت جسمها يالليفه المغربيه طبعا من تحت لفوق حت الدلكه نفس الشي لين خلصت شطفت جسمها بالمويا ونشفتو وقالتلها روحي ادهني الركب و الأكواع بكريم التفتيح حقك وجسمك لا خليه كذا بدون ماتدهنيه
سوتلها 3 أيام وراء بعض جسم خالتي ماشاء الله سار أحلى من أول
ع فكره الأعشاب المغربيه اللي حطتهامع الصابون نفس حقي أشتريها من العطار بتلاقونها هنا في النت في قوقل مع طريقة الحمام المغربي بس هو مجمعها مع بعض و يبيعها هو قلي نفس الكلام 50 غرام ب 5 ريال يبيعها
و الدلكه أشتريها من وحده سودانيه علبة المربى حق حلواني الصغيره بمية ريال بس اللي ماتلاقي الدلكه السوده تاخذمن قوقل طريقة الدلكه البيضاء اللي فيها أرز وحلبه وتسوي نفس الطريقه
لايفوتكم ثاني يوم شلت السونا حقي و العفش كلو رحت بيت أختي ودهنا جسمنا بزيت سمسم لأنو خفيف كمان زيت اللوز المر ينفع لأنو خفيف و المشكله ماني عارفه الزيت حقها خفت أسألها وتفشلني المهم وجلسنا ندعك في جسمنا لمن خلصت طبعا تاني يوم شلت جسمي كلو بالشمع أهلي كلهم قالولي مرره فتحتي والله يابنات انه الريحه حق الدلكه المعفنه الللي تصرع راحت بعد الصابون المغربي ولا كاننا سوينا شي أبدا
حتى لمن رحت الزواج يقولو فتحتي أكثر من أول طبعا أنا راسي كبر هههههه
طبعا سألتها قلت سمعت انه يضر قالت السونا مايضر كذب انا دايما أسويه بس اللي ماعمرها سوته وتبغى تسوي طريقتي تسويه 3 أو 5 أيام وراء بعض بعد كذا مره كل اسبوع بس واللي متعوده تسويه زيي تسويه مره كل اسبوع وتدعيلي
حبيت أقولكم اللي عندها خطوط بيضاء او لسى بدت تطلع عندي لها دلكه رهيييبه ومجربه مني وتنفع لأي بنت كمانلو تبغى تستخدها بس للنظافه تسويها
كاسه حناء حق جسم طبعا +كاسه سدر+ فنجان قهوه قرنفل مطحون << مسمار
تخلطهمع شوية زيت زيتون وتخليه في علبه طبعا تكون ثقيله بس وقت الإستخدام تاخذ الكميه اللي تكفيها وتخلطها مع شوية مويه تكون تتلصق شويا يعني خفيفه زي المربى وتبدأ بنفس الطريقه اللي فوق والله تخلي الجسم يلمع وتخفي الخطوط مع الإستمرار وتنحف لأنو القرنفل حار
بس خلصت ابغاكم تدعولي بكل خير وتدعون لجدتي أتوفت بعد مانزلت الموضوع بيومين واليوم سويت تعديل عشان الكل ينتبه لأنو في بنات لسى جالسين يدعولها بالشفاءدحين أدعولها بالرحمه و المغفره والله يبدلها دار خيرا من دارها ويسكنها جنات النعيم يارب العالمين .
منقووووووووووووووووووول
الرئيسية 
التسجيل 
دخول 
الثلاثاء يونيو 14, 2011 7:19 am